Tafsir Surat Al Kahfi ayat 53 | Catatan Ngaji Kyai Maimoen Zubair

 

وَرَءَا ٱلۡمُجۡرِمُونَ ٱلنَّارَ فَظَنُّوۤا۟ أَنَّهُم مُّوَاقِعُوهَا وَلَمۡ یَجِدُوا۟ عَنۡهَا مَصۡرِفࣰا

ورَءا المُجْرِمُونَ النّار فَظَنُّوا أيْ أيْقَنُوا أنَّهُمْ مُواقِعُوها أيْ واقِعُونَ فِيها ولَمْ يَجِدُوا عَنْها مَصْرِفًا مَعْدِلًا

Sak durunge mlebu neroko, dewekne undang2 ning nggene nopo? berhala. Sak niki dewekne ruh neroko. 

وَرَءَا ٱلۡمُجۡرِمُونَ ٱلنَّارَ 

lan podo ningali. podo ndelok, sopo? wong kang doso2 kabeh. sopo rupane? wong kafir. Lah kok dikek i mujrimuun? mergo ora ono kafir, kejobo asale mergo doso. Dadi ora ono wong kok terus kafir (tok), ning mergo doso. Faham yo... dadi ono wong kafir, mergo doso. Lah molane, bocah cilik, iku ora iso kafir. 

ما من مولود الا و يولد على الفطرة

mergo urung nduwe doso. Nah doso niku dalane kafir. Nah kafir niku dalane nopo? neroko. Mulane wong islam ora oleh doso. Doso iku ono sing oleh rohman rohime Alloh, Kowe nglakoni doso, kok ora kafir, iku oleh rahmate Gusti? Alloh. Mergo.. doso ndadekno kafir. Nah Gusti Alloh Subhanahu wa ta'ala nggawe doso, sing ndadekno kafir iku doso sing piye? gak kenek mbok atur. Jadi kowe lak ruh opo sifate Alloh? selawase ora kenek diatur. Lah saiki wong kepingin ngatur Gusti Alloh. Aku nyalon sing iki, tak dongakno istighotsah, ben mandi. Wong Gusti Alloh kok mbok atur. Bener nopo mboten? tiwas kesel kowe. Nah pas mukmin, sayogyane pasrah menyang Gusti? Alloh. Saiki doso iku ndadekno kafir. Ning urung mesti wong doso dadi nopo? kafir, iku ora kenek mbok campuri (kersane) Alloh. Jadi ono wong kafir, doso, dosane sitik tok. Muk ndelok wong wedok tok, iso kafir. Jadi Gusti Alloh ora kenek mbok atur. Faham yo.. dadi mulane, kowe lek ruh doso, nggo wong ahli thoriqot, wong ahli tasawuf, gak ono doso gede, doso cilik. Ning tumrap menungso sing dikek i doso sing ndadekno wong kafir, sing... faham yo...

Lah iki, repote teng mriki. Lah iki olehe ngatur, sopo? Alloh. Mulane ning kene, Alloh ngendiko, waroal mujrimuuna. Ningali, weruh, sopo? wong kang doso2. Iki aweh isyarat, wong kafir. Lha kok disebut doso? mergo gak onok kekufuran mergo asal soko nopo? doso. Setan iku apik2 e (wong), timbang moloikat apik setan. Mergo moloikat ora patek kuat ngibadah nemen2. Faham yo.. setan lek ngibadah iso nemen2. Ora ono wong nemen2 ning ngibadah koyo setan. Latihan ngibadah iku setan. Faham yo.. wis ora ono. Moloikat iku ora ono sak ngirenge ngibadahe sopo? setan. Ning nduwe doso, dikon sujud Nabi adam gak gelem. Faham yo....

وَإِذۡ قُلۡنَا لِلۡمَلَـٰۤىِٕكَةِ ٱسۡجُدُوا۟ لِـَٔادَمَ فَسَجَدُوۤا۟ إِلَّاۤ إِبۡلِیسَ أَبَىٰ وَٱسۡتَكۡبَرَ وَكَانَ مِنَ ٱلۡكَـٰفِرِینَ

و اُذْكُرْ ﴿إذْ قُلْنا لِلْمَلائِكَةِ اُسْجُدُوا لِآدَم سُجُود تَحِيَّة بِالِانْحِناءِ فَسَجَدُوا إلّا إبْلِيس هُوَ أبُو الجِنّ كانَ بَيْن المَلائِكَة أبى امْتَنَعَ مِن السُّجُود واسْتَكْبَرَ تَكَبَّرَ عَنْهُ وقالَ: أنا خَيْر مِنهُ وكانَ مِن الكافِرِينَ فِي عِلْم اللَّه

Muk iblis tok sing gak gelem sujud ning adam. Ndekne moh, (banjur) pungkasane dadi wong kafir. Dadi iki kawitan. Dadi ora ono kufur kejobo sebabe doso. Mulo songko iku, wong iku diarane apik iku taqwa. Takwa iku wedi menyang Alloh, wedi nglakoni doso. Ora katek iki doso cilik, ora katek iki doso nopo? gede. Mergo doso gede, doso sing nggowo ing ngatase kekufuran. Nah doso sing nggowo ning kekufuran, Gusti Alloh ora keno dicampuri. Ora kenek dicampuri. Wong ngrasani kyai, nggih. Ngrasani kyai, iku doso. Kadang2 sebab nduwe lakon koyok ngono, lak mik sitik to, ngrasani sitik wae.  Ora anut umume wong NU, loh nggih ngoten lek wonten. Koyok ngono iku dewekne kadang iso mati kufur. Faham yo.. mergo kene onok doso. 

 فَظَنُّوۤا۟ أَنَّهُم مُّوَاقِعُوهَا 

Saiki wong doso, ndadekaken kufur. Saiki diwalik. Ngamal apik, iku yo ndadekaken mati alal iman. Faham yo.. dadi kowe ngamal apik. Iku nggowo mati 'alal opo? iman. Ning Alloh ora ngucal kuwi, sing ndadekno mati alal iman iku sing ndi?  ora ruh. Ono wong sing selawase gak tahu iman, gak tahu sholat. Tapi nduwe totokromo ning Nabi Musa. Ndekne ape nentang Nabi Musa. Nduwe totokromo, loh ape nentang Nabi Musa main sihir wae, kok dadak nduwe toto kromo, kulo rumiyin, nopo? panjenengan? Nabi Musa? sing main. Lah iki lak toto? kromo. Sitik ta akeh niki? sitik. Sholat ora, poso yo ora, opo maneh kaji. Mok nduwe toto kromo karo nabi musa. Akhire wong iki ora iso mlebu neroko, Dilebokno suargo dening Alloh. Mati 'alal iman. Iki wong lek wes ruh koyok mengkene, tansah wedi menyang Alloh, mergo ora ngerti, aku iku. Dadi ora kok terus ngedirno ngamale kyok wong kaji saiki. Aku wis ngamal 40 sholatan ning masjid, Iku wong kaji saiki. Teko kesele ora karuan, ora nduwe i'tiqod iki, faham yo... lak ngono kaji saiki. Mulane onok kaji kapan teko mesti ngelu. Iki kersane Alloh. 

Wong mukmin iku piye? pasrah menyang Alloh, tawakkal menyang Alloh, wedi marang Alloh, ora ngedir2no ngamal. Wedi nglakoni amal sing olo, sebab urung mesti amal sing olo iku cilik o kadang nggowo mlebu nopo? neroko. Ora nyepelekno ing ngatase amal apik. Cilik o kadang ndadekno mlebu suargo. Mulane ning nggone hadits, dawuhe kanjeng Nabi Muhammad Shollallohu 'alaihi wa sallam. 

الايمان بضع و سبعون شعبة

Iman iku ono pitung puluh luwih cabang. 

أعلها قوله لا اله الا الله 
Sing paling duwur Laa ilaaha Illalloh

وأدنها اماطة الاذى عن الطاريق

Sing paling asor, iman iku... kowe nyingkrihno barang sing ora apik ning ndalan. Ben ndalan iki resik. Nun.. iki paling ashor. Dadi ora iso, endi sing ndadekno mati 'alal iman, ora ono sing ngerti kejobo Gusti Alloh. Ora ono sing ngerti, endi doso sing ndadekaken kekufuran, kejobo Gusti Alloh. 

https://www.youtube.com/watch?v=ewCrDvauOWc